(з ліста ў зняволенне Ўл. Некляеву)
Раджаецца прадцечай Новы Год.
За ім – Гасподзь-Любоў , каб тут распяцца,
даць людзям моц і на крыжы ўскрыляцца -
да Рая ў вырай перажыць палёт.
Ні бляск палацаў, ні сляпы астрог
нас не адлучыць ад любві Хрыстовай!
Пакутамі здзіраецца сурова
з душы ўвесь зман. А ў Праўдзе ззяе Бог…
Пераглядаю водціскі душы
тваёй, пасеяныя на паперы…
Калі пісаць то так, каб не зблюзнерыць:
каб і самому вышняй Праўдай жыць!
зіма 2010-2011 года
Комментариев нет:
Отправить комментарий